Biz kimik? İştirak Evi İctimai Birliyi gənclər arasında ictimai iştirakçılığı və demokratik iştirakın təşviqini hədəfləyən açıq məkandır. 2022-ci ildə yaradılan mərkəzimiz gənc təşəbbüs qrupları və tələbələrin bir araya gəlməsi, ideyalarını formalaşdırması və ictimai proseslərdə fəal iştirak etməsi üçün dinamik mühit təmin edir. Qeyri-hökumət təşkilatı olaraq biz fəal, təşəbbüskar və müstəqil gənclərin inkişafını dəstəkləməyə sadiqik. Mərkəzimiz gənclərin öz fundamental hüquqlarını və demokratik dəyərləri daha dərindən dərk edə biləcəyi öyrənmə və əməkdaşlıq məkanıdır. Biz nə edirik? İştirak Evi gənclər və vətəndaş cəmiyyəti təşkilatları (VCT) tərəfindən təşkil edilən müxtəlif tədbirlər üçün alternativ məkan təklif edir. Yarandığımızdan bəri biz 500-dən çox tədbirə o cümlədən mühüm ictimai-siyasi mövzulara dair təlim, podkast, mühazirə, seminar və müzakirələrə ev sahibliyi etmişik. Bu tədbirlər bizim məkanımızdan istifadə etmək üçün müraciət edən ümumilikdə 25 müxtəlif gənc təşəbbüs qrupları və VCT-lər tərəfindən təşkil edilib. Biz gənclərin maariflənməsini və bacarıqlarının artırılmasını hədəfləyən müxtəlif proqramlar həyata keçiririk. Bu təşəbbüslərdən biri də ABŞ səfirliyinin Bakı ofisi tərəfindən dəstəklənən və 30 gəncin iştirakı ilə 2023-cü ildə keçirilən “Parlament Məktəbi” proqramı olub. Bu proqramlar gənclərə debat və xüsusi təlimlər vasitəsilə praktiki təcrübə əldə etməklə yanaşı, müvafiq olaraq qanunvericilik prosesi və idarəçilik bacarıqları haqqında anlayışları dərinləşdirmək imkanı verir. İştirak Evi həmçinin təhsil səfərləri və mübadilə proqramları kimi zənginləşdirici təcrübələr təklif etmək üçün Danimarkanın Kopenhagen Universitetində Notion (Afsaet) tələbə qrupu kimi tərəfdaşlarla əməkdaşlıq edir. Bu təşəbbüslər iştirakçılarımızın perspektivlərini genişləndirməyə və onların təhsil və peşəkar inkişafını artırmağa kömək edir.
